#تحذير!!! من عرض سفرة طعام رمضان على وسائل التواصل..

الشيخ جميل حليم حفظه الله، مُنبِّهًا ومُحذِّرًا من تصوير #سفرة_رمضان، لمن أنْعَمَ الله عليهم، ثم يعملون على نشرها على وسائل التّواصل، فقال رحمه الله: وبدي ذكّر بشغلة، بعض الناس اليوم بيحضروا ببيوتهم أصناف من #الطعام، مثلًا نوعين تلاتة، هيدي النّوعين تلاتة على التَّقليل، في ناس بيحضروا سبعة تمانة!! وفي ناس أكتر!! مع #المُقبلات مع #العصائر مع #الحلو، بعدين شو بيعملوا؟؟ بيصوروا، بيصوروا صورة أو فيديو هذه #السفرة وبينزلوها على الفايسبوك أو ع الوتساب بوزعوها، أو في مواقع التّواصل. أنتو تخايلوا هيدا المنظر عم بيشوفو #الفقير، تخايلوا هيدا المنظر عم بيشوفو #اليتيم، تخايلوا هيدا المنظر عم تشوفو #اﻷرملة، تخايلو هيدا المنظر عم تشوفو #خالتكم يلي ما معها تاكل خبز!! تخايلو هيدا المنظر اللي عم بتشوفو #بنت_عمّكم اللي ما عندها تِجيب #لبنة لتطعمي أوﻻدها #اﻷيتام!!! ليه؟؟؟ #لماذا_تُصورون كل هذا الطعام؟؟ أو هيدي السّفرة اﻷشكال واﻷلوان؟؟ وعم تنزلوها على المواقع وعلى التلفونات وع الوتساب والفايسبوك؟ هه؟ وما شابه لماذا؟ بأي قصدٍ؟ بأي نيّةٍ؟ هلق بعض الناس بيقلك ((فرحًا... فرحًا)) بشو فرحًا؟ قل لهم: صلوا على رسول الله، أنت بتكسب ثواب وهني بيكسبوا ثواب إن صلوا على الرسول صلى الله عليه وسلم، هيدا الفرح، الفرح تشتغل بالطّاعات، مش تجيبلهم #حسرة على قلبهم للفقراء! هيدا هيك فرحًا بسفرتك أنت أكلتها وقمت نمت من شدّة التّخمة!! لكن ماذا حصل #للفقراء؟ اللي ما قادرين يحصلوا على نوع من اﻷكل؟؟ شو بيكون أنت عملت فيهم؟؟؟ أو سفرة الحلو!!! بعد سفرة اﻹفطار، سفرة حلو تانية، وبعدين شو سفرة شو؟ #العصاير!!! وكل هيدا على وين؟ ع الفايسبوك ومواقع التواصل!!! لماذا؟ سواء صنعتو الحلو ببيتكم، أو اشتريتوه خالص أو ما شابه، شو الحاجة تصوروه وتنزلوه عند الناس؟ وشو الحاجة تصوروه وتعرضوه للناس؟ تخايلوا وتصوروا أن الرسول صلى الله عليه وسلم، كان يوصي صحابي: ﴿إذا طبخت مرقًا فأكثر﴾ ليه؟ لماذا يوصيه بأن يُكثر من المرق؟ قال: ﻷجل أن يُصيب #الجار منه، لأجل أن يُعطي جاره منه. مش بياكلو هوي!!! تخيّلوا يا إخواني ويا أخواتي أن يُعطي من هذا الطعام #لجيرانه قبل أن يأكل من هذا الطعام، وإن أعطى #اﻷرحام يكون صلة رحم وصدقة، فالثّواب يكون مُضاعف.

لكم منّي أرقُّ التَّحيات وأعطرها

وإلى أن نلتقي على الخير دائمًا

أترككم بحمى الرَّحمن

أبو هيثم